SMM Kursları – Sosial Media Marketinq Kursu
SMM Kursları hər hansı məhsul və ya xidmətin sosial media marketinq kanalları ilə tanıdılmasını əhatə edir. Sosial media idarəsi, səhifə və hesabların düzgün istifadə olunması, brend idarəsinin necə koordinasiyalı şəkildə edilməsi peşəkar səviyyədə SMM Kursu ilə tədris olunur.
Müasir dövrün güclü təsiredici qüvvəsi olan sosial media önəmli marketinq strategiyalarını həyata keçirmək üçün istifadə olunur. Bu səbəblə sosial media idarəsinin əhəmiyyəti günü gündən artır. Xüsusi olaraq təlim proqramı hazırladığım SMM Kursları ilə sosial media marketinqi sahəsində digərlərindən fərqinizi ortaya qoya biləcəksiniz.
SMM Kursları Nəyi Öyrədir?
SMM kursları sosial medianın tam olaraq necə işlədiyini öyrədir. Sosial media dünyasında biznes hesablarını düzgün strategiya ilə idarə etməyi, kontent planlanması və sosial media marketinq alətlərini peşəkar səviyyədə istifadə etməyi öyrənəcəksiniz. SMM kursunu bitirdikdə Facebook, Instagram, LinkedIn, Twitter, Pinterest və Snapchat sosial media kanallarının bütün özəlliklərini və marketinq – reklam alətlərindən istifadə etmə bacaraqlarınız olacaq.
SMM Kursu Kimlər Üçündür?
Hər-hansı biznesi və ya şəxsi brendi sosial mediada düzgün şəkildə idarə etmək və marketinq fəaliyyətini həyata keçirmək istəyən hər kəs SMM Kursunda iştirak edə bilər:
- Sosial media hesablarını inkişaf etdirmək istəyən şəxslər
- Sosial media mütəxəssisi olmaq istəyən şəxslər
- Reklam agentliklərində işləyən və işləmək istəyən şəxslər
- Marketinq sahəsində fəaliyyət göstərən şəxslər
- Sahibkarlar və şirkət direktorları
- Sosial mediada imicini formalaşdırmaq istəyən şəxslər
Təlim Proqramı – Sillabus
Sosial media kanallarını və reklam alətlərini daha ətraflı şəkildə əhatə edən SMM Kursları, tələbələri başlanğıc səviyyədən tam professional dərəcədə inkişaf etdirəcək sillabus əsasında hazırlanmışdır.
SMM Kursu Təliminin Proqramı hər hansı bir brendin inkişafı üçün rəqəmsal marketinqin əsas hissəsi olan düzgün sosial media kanallarının seçilməsini, onları marketinq hədəflərinə çatmaq üçün idarə edilməsini əhatə edir. Sosial media kanallarında izləyici kütləsini böyütməyin üsullarını, dataya əsaslanan effektiv reklam kampaniyaları hazırlamaq və onları necə optimizasiya etməyi öyrədir.
1. Sosial Media Marketinqinə Giriş
Bu modul Sosial Media Marketinqin əsas prinsiplərini izah edir. Sosial Medianın şirkətlər üçün nə dərəcədə önəmli olduğunu, sosial medianın istifadəçilərin satınalma prosesində tutduğu yeri, əsas və niş sosial media kanallarını əhatə edir. Qlobalda daha çox istifadə olunan sosial media kanallarında peşəkar biznes səhifələrinin yaradılması və konfiqurasiya edilməsi, səhifələrin analitik təhlili öyrədilir.
Əhatə Olunan Mövzular:
- Sosial Media Marketinqi Nədir, Hansı Üstünlükləri Var?
- Rəqəmsal Marketinqdə Hansı Sosial Media Kanalları Var?
- Facebook Biznes Səhifəsinin Qurulması, Konfiqurasiyası
- Instagram Biznes Səhifəsinin Qurulması, Konfiqurasiyası
- Linkedin Biznes Səhifəsinin Qurulması, Konfiqurasiyası
- Twitter Biznes Səhifəsinin Qurulması, Konfiqurasiyası
- Sosial Şəbəkələrdə Biznes Səhifələrinin Analitikası
2. Meta: Facebook və Instagram Kanalları
Bu modul Meta platformasının daxilindəki sosial media kanalları və marketinq alətləri ilə işi əhatə edir. Biznes menecerin düzgün şəkildə qurulması, reklam hesabı, reklam növləri, müxtəlif hədələmə növləri, büdcənin düzgün bölüşdürülməsi və reklamlar üzrə təklif (bidding) növləri öyrədilir. Meta pixel ilə veb saytdakı istifadəçi davranışının analizi, biznes məqsədlərinə uyğun event və conversionların yaradılması və yekun hesabatların hazırlanması izah olunur.
Əhatə Olunan Mövzular:
- Meta Business Manager-in Qurulması, Konfiqurasiyası, Təhlükəsizliyi
- Reklam Hesabının Yaradılması və Meta-da Reklam Növləri
- Hədəfləmə (Targeting) və Yenidən Hədəfləmə (Retargeting)
- Reklam Büdcəsinin Təyin Olunması və Təklif (Bidding) Növləri
- Meta Pixel-in Konfiqurasiyası, Xüsusi Event-lərin Yaradılması
- Reklamların Yayımlanması, Optimizasiyası və Effektivliyin Ölçülməsi
- Reklam Hesabatlarının Hazırlanması
3. LinkedIn və Twitter Kanalları, Əlavə Alətlər
Bu modul LinkedIn və Twitter platformalarının daxilindəki sosial media kanalları və marketinq alətləri ilə işi əhatə edir. Bu kanallar üzrə biznes menecerin düzgün şəkildə qurulması, reklam hesabı, reklam növləri, müxtəlif hədələmə növləri, büdcənin düzgün bölüşdürülməsi və reklamlar üzrə təklif (bidding) növləri öyrədilir. Hər bir kanalın veb analitika alətləri ilə iş, dönüşümlərin (conversion) ölçülməsi izah edilir. Həmçinin, 3-cü dərəcəli (3rd party) müxtəlif SMM alətləri ilə səhifələrin idarə olunması, avtomatlaşdırma və planlama tədris olunur.
Əhatə Olunan Mövzular:
- LinkedIn Business Manager-in Qurulması və Ümumi Tanışlıq
- LinkedIn-də Reklam Növləri və Reklamların Yayımlanması
- Twitter Ads Manager ilə Ümumi Tanışlıq
- Twitter-də Reklam Növləri və Reklamların Yayımlanması
Əlavə:
- Sosial Media Kanalları Üzrə Paylaşımların Planlanması
- Sosial Media Səhifələrinin İdarə Edilməsi Üçün Əlavə Alətlər
Təlim Proqramı haqqında bütün məlumatları broşur şəklində əldə edə bilərsiniz:
SMM Kursundan Nə Əldə Edəcəksiniz?
Xüsusi sillabus əsasında hazırlanmış bu SMM Kursunu bitirdikdə bu sahədə digərlərindən daha yüksək potensiala malik olacaqsınız. Daha çox sosial media kanalını, reklam alətləri ilə işləməyi tam dərindən öyrənəcəyiniz üçün strateji düşünmə və biznes məqsədlərinə çatmağın yollarını da inkişaf etdirmiş olacaqsınız.
Sosial Media təlim kursu hazırki dövrün tələblərinə uyğun olaraq hazırlanıb və SMM mütəxəssisə lazım ola biləcək əlavələr edilib.
Hər modul üzrə müxtəlif sektorlardakı şirkətlərin sosial mediadakı fəaliyyətləri nəzərdən keçirilir və nəzəriyyənin praktiki tətbiqi təmin olunur.
Hər modul üzrə real keyslər üzrə ev tapşırıqları və kursu bitirmə layihəsi üzrə hər bir tələbə öyrəndiklərini tam şəkildə tətbiq edəcək.
Hər bir modul üzrə hazırlanmış tədris materialları (kitablar, e-vəsaitlər) və bütün dərslərin videoları onlayn formada tələbələrə göndərilir.
Hər təlim kursu üzrə WhatsApp qrupu yaradılır ki, tələbələr öz suallarını bölüşərək bir-birilərindən və təlimçidən yardım ala bilsin.
Tələbələr sosial media marketinq kursunu bitirdikdə müəyyən olunmuş dərəcələr üzrə bitirmə sertifikatı və individual tövsiyə məktubu əldə edəcəklər.
Təlimə Qeydiyyat üçün Form
